ဇာတ်လမ်းအရ နိုဝါဟာ အွန်လိုင်းကနေ တစ်ယောက်ပြီးတစ်ယောက်နဲ့ date လုပ်ခဲ့ပေမဲ့ အဆင်မပြေတာကြောင့် တစ်ကိုယ်တည်းဘဝနဲ့နေနေသူပါ။ တစ်ရက်မှာတော့ သူနဲ့အဆင်ပြေမယ်ထင်ရတဲ့လူချောတစ်ဦးနဲ့ အပြင်မှာတွေ့ဆုံခဲ့ရပါတယ်။ အဲဒီသူက သူ့ကိုယ်သူ စတိဗ်လို့မိတ်ဆက်ခဲ့ပြီး ပလက်စတစ်ဆရာဝန်တစ်ယောက်လို့လည်း ဆိုပါတယ်။ ဒီလိုနဲ့ သူတို့ ၂ ယောက်ဟာဆိုရင်ဖြင့် ချစ်ကြိုက်မိသွားပါတယ်။ အစပိုင်းမှာတော့ သူတို့ ၂ ယောက်ဟာ Romance ဆိုတဲ့အတိုင်း အရမ်းရိုပြီးလိုက်ဖက်တဲ့အတွဲလေးဖြစ်နေပါတယ်။ ဒါပေမယ့် နောက်တစ်ခါ ချိန်းတွေ့တဲ့အချိန်မှာတော့ ခရီးထွက်မယ်ဆိုပြီး စတိဗ်ကစပြီးပြောလာပါတယ်။ အဲ့လိုနဲ့ သူတို့ ၂ ဦး ခရီးမထွက်ခင်မှာ စတိဗ်ရဲ့အိမ်ကို လိုက်လည်ခဲ့ကြပါတယ်။ အဲ့ဒီမှာတော့ စတိဗ်ရဲ့လျှို့ဝှက်ထားတဲ့အရာကိုချပြပါတော့တယ်။ တကယ်တမ်း စတိဗ်ရဲ့သရုပ်မှန်ကရော ဘာများလဲ….၊ ရုပ်ရည်ချောချောနဲ့ သူ့အပြောလှလှတွေရဲ့နောက်ကွယ်မှာ ဘယ်လောက်ထိကြောက်စရာကောင်းတာတွေပုန်းကွယ်နေမလဲ…၊ နိုဝါတစ်ယောက်ရော ဘယ်လိုရုန်းကန်ရင်ဆိုင်ရမလဲ… ဆိုတာကို စိတ်လူပ်ရှားစရာနဲ့ ကြည့်ရှုရမယ့်ဇာတ်ကားကောင်းလေးဖြစ်ပါတယ်။ Horror ကားကောင်းကောင်းကြည့်ချင်တဲ့လူများအတွက် အကြိုက်တွေ့စေမယ့် ဇာတ်ကားလေးပဲဖြစ်ပါတယ်။